Bhagwan Meri Naiya

Verses

Bhagwan meri naiya

Us paar laga dena

Ab tak to nibhaya hai

Aage bhi nibha dena

Ham deen dukhi nirbal

Nit naam rahe pratipal

Yah soch darash doge

Prabhu aaj nahi to kal

Jo baag lagaya hai

Phulon se saja dena

Bhagwan meri naiya

Us paar laga dena

Ab tak to nibhaya hai

Aage bhi nibha dena

Tum shanti sudhakar ho

Tum gyan divakar ho

Mam hans chuge moti

Tum maan sarovar ho

Do bund sudharas ki

Hamko bhi pila dena

Bhagwan meri naiya

Us paar laga dena

Ab tak to nibhaya hai

Aage bhi nibha dena

Rokoge bhala kabtak

Darshan ko mujhe tumse

Charnon se lipat jaoon

Vrikshon se lata jaise

Ab dwar khadi tere

Mujhe raah dikha dena

Bhagwan meri naiya

Us paar laga dena

Ab tak to nibhaya hai

Aage bhi nibha dena

Majhdhaar padi naiya

Dagmag dole bhav mein

Aao Trishla Nandan

Ham dhyan dhare man mein

Ab Tanvar kare vinti

Mujhe apna bana lena

Bhagwan meri naiya

Us paar laga dena

Ab tak to nibhaya hai

Aage bhi nibha dena